യിസ്രായേല്‍ - ലോകത്തിനുള്ള അടയാളം

ലോക ഭരണ സംവിധാനത്തിന്റെയും രാജ്യങ്ങളുടെയും ആരംഭവും അവസാനവും ക്രമവും പ്രത്യേകതകളും ദൈവം പ്രവചനങ്ങളില്‍ കൂടെ അറിയിച്ചു തന്നിട്ടുണ്ട്. നേരിട്ടുള്ള പ്രസ്താവനകള്‍ അല്ലെങ്കിലും, ശ്രദ്ധാപൂര്‍വ്വം പ്രവചനങ്ങള്‍ ചേര്‍ത്ത് വച്ച് നിരീക്ഷിച്ചാല്‍ ഒരു പ്രവചന പഠിതാവിനു  ഇതിന്റെ പൊരുള്‍ വേര്‍തിരിച്ചെടുക്കാന്‍ കഴിയും.

ലോകാവസാനവും കര്‍ത്താവിന്റെ രണ്ടാം വരവും പരസ്പര ബന്ധമുള്ള കാര്യങ്ങളാണ്.  ഇതിന്റെ ആരംഭവും അടയാളങ്ങളും പ്രവചനങ്ങളില്‍ കണ്ടെത്താം. ആഗോള സമാധാനത്തിനു പ്രതിസന്ധി സൃഷ്ടിച്ചു കൊണ്ട് വെറുക്കപ്പെട്ട രാജ്യമായി മാറിയിരിക്കുന്ന യിസ്രായേലിന് ഈ അന്ത്യകാല സംഭവങ്ങളോടുള്ള ബന്ധത്തില്‍ കേന്ദ്രസ്ഥാനമാണ് ദൈവവചനമായ ബൈബിള്‍ നല്‍കിയിരിക്കുന്നത്. ദൈവത്താല്‍ തിരഞ്ഞെടുക്കപ്പെട്ട ജനവും അതുകൊണ്ട് തന്നെ ദൈവിക കാര്യപരിപാടികളുടെ പങ്കാളികളും ആണ് അവര്‍.

ലോകത്തോട്‌ ഇന്നും നടന്നുകൊണ്ടിരിക്കുന്ന ദൈവിക ഇടപെടലുകളുടെ പരമ്പരയില്‍ ഒരു മുന്നറിയിപ്പോട് കൂടിയ പ്രത്യക്ഷമായ അടയാളമായിട്ടാണ് യിസ്രായേല്‍ രാജ്യം ഇന്ന്. ദൈവിക ഇടപെടലുകളും പരിപാടികളും ലോകരാഷ്ട്രങ്ങളോട് ‌  ഏതെല്ലാം വിധം എപ്പോഴെല്ലാം ആയിരിക്കും എന്നെല്ലാം യിസ്രായേല്‍ എന്ന അടയാളം സൂചന നല്‍കുന്നുണ്ട്. അതെക്കുറിച്ച് വിശദമായി.